Oamaru Victorian Heritage Celebrations

在Wanaka碰見一個香港朋友, 說Oamaru 有一個Festival, 一年一次, 咁就飛車去左…

這是每年都會舉辦, 男男女女都會打扮一番, 做回一個維多利亞時期的人. 為什麼會有這盛事就不知了, 不個好像睇緊中學時期時英國文學的Little Woman 一樣. 籌委會準備了各樣的服裝給人租借, 你自己做衫也可以. 個個人都好有心機打扮, 人人投入!!






Penny Farthing Races
除了巡遊, 最好睇就是單車比賽. 什麼都可以鬥一番: 100碼短途鬥快, 3個圈長途鬥快; 50碼鬥慢; 雪糕筒障礙賽; 男子組, 女子組…

Curio Bay

陣間就起程離開Dunedin 去 Curio Bay.

在Dunedin 開始好悶了, 日日只是對住部56K速度的電腦上網, 作為一個香港人, 點有閒情都會發慌.

Curio Bay 是 Dunedin 和 Invercargill 中間的一處海灣. 其實最初Book呢間BBH時都只是求其搵. 這間BBH就評分高, 有92分, 而且在自我介紹時說係佢間BBH望出去就是海, 而且周不時會睇到海豚!!

我就特登去睇下佢係咩東東咁勁. 其實我仲未知佢大約位置在哪裡…

誰知在睇Lonely Planet時發現有一段 (都幾大段的!!) 作者推介這間BBH, 說真是可以睇到海豚, 而且這個地方可以令你留上一個星期!!!

嘩, 講到咁勁, 我都想快D去!!!

ps: BBH評分制度: 超過5,600 個旅客在2007年參加BBH評分. 越高分即越多人讚賞. 從評分去決定住那一間hostel會比較有保障, 我多數會住有70分以上的BBH. www.bbh.co.nz

Dunedin Train Station & Farmers’ Market

Dunedin Train Station

最吸引我是那個火車玻璃窗!!

逢星期六早上在火車站都有Farmers Market. 所有人都可以開車來擺檔, 有的賣菜, 有的賣生果, 有香腸, 肉, 麵包, 批, 芝士, 果醬… …

Shopping 學英文
秀珍菇 = Oyster Mushrooms
仲可以自己種呢?!

危險, 勿近

開車去Otago Peninsula 的 Sandfly Beach睇海獅 (Sea Lions).

明知有告示仲有警告叫人唔好野怒D海獅, 雖然你見佢成條香腸”pat”係個沙灘上, 佢爬行的速度真的好Q快.

話說有個鬼仔走近影相, 同行的鬼妹又bi lee ba la, 終於隻海獅一聲咆哮就衝過來!! 個鬼仔就大叫”Oh Shit! Oh Shit!” 大家一齊好似玩”瀑喱喱”咁一周四散!! 哈哈!!!

告示: These animals are not afraid of humans... so be wary!!
不是呃人的!!

成條香腸似的"pat"在沙灘上

真的跑得好快!

Oh shit~~

洗車

忍無可忍, 終於扲起心肝去洗車.
香港人會好好保養自己車, 會常常清洗.
不過在這裡, 車不單只舊, 仲好污糟.
都只因為日開夜開, 沙”陳”滾滾, 不洗也吧.
其實我都是入鄉隨族, 開一架污糟車, 作為天然保安裝置~~

除了舊同污糟, 呢度D車仲有樣野多, 是多蜘蛛網. 總是在好多車的左右倒後鏡找到蜘蛛網, 可想而知紐西蘭的蜘蛛有幾鍾意旅行, 尢其是穿梭南北島!!

我總覺得有隻蜘蛛住在我的倒後鏡內, 因為我每天把蜘蛛網除去, 第二天蜘蛛網總是還原.

今天仲不特只, 仲有好多黑蟻在車上: 車尾, 車頂, 檔風玻璃都是蟻, 趕也趕不掉. 唯有洗車屋可以幫我搞掂佢!!

希望佢地只是路過啦, 千萬唔好係我車上起屋!!!

去洗車屋, NZ$10一次, 感覺新奇好玩~~

終於似番架車了!!

菜心

思鄉症有小小發作.
在Saturday Farmers Market 見列有菜心賣, 嘩~~~ 好耐冇食過菜心啦~~~~
日日不是西蘭花就是椰菜~~~菜心呀~~~
不過$3.5一包, 好像好貴.
誰不知聽到老細是講廣東話, 仲唔飛撲埋去買?!
傾左幾句, 買左一包, 都好, 可以食到3餐!!!

第一餐, 灼菜配麵公

第二,三餐: 菜心炒牛肉, 個個鬼佬都偷望我碟菜~~

開車學英文 – Flat Tyre

有朋友說我好厲害, 一個新牌仔走去一個人生路不熟的地方買車開車, 一面飛車,一面天不怕地不怕…

哈哈, 仲不特止, 新牌仔買左車一個多星期就遇上爆胎.

事源在Wanaka的一晚, 已經聽到右前胎有D不正常的聲音, 但是夜媽媽又咩都睇唔到. 誰不知第二朝早上就見條胎”淋”左.

定一定神, 食埋我個早餐先, 就問一問人究竟爆胎英文是什麼, 那麼才能找人幫手.

爆胎 = Flat Tyre = 洩氣 --> 個人洩氣都可叫自己為flat tyre

好在一早入了AA會, 打個電話就搵到人幫手! 換軑補胎都是NZ$40, 都OK啦.

最慘是又開左個多星期去到Dunedin條胎又漏氣. 一定是上次補胎的手工差!! 咁又膽粗粗就咁就開架車去搵人整…

哈哈… 又破財!!

亞Q的安慰自己是, 而家已經從中偷師學識換士啤胎和同條胎打氣, 叫做比學費咯!!

換了士啤胎的車, 不過條士啤胎都是洩氣的 >_<

最斜的街 Baldwin Street, Dunedin

為了慳錢, 同時間太多了, 用了個幾小時行去睇呢條街.

這條街全長161.2m, 高47.22m, 斜度是 1 : 2.86

我最初都不相信有多斜, 香港那麼多山, 一定有D仲斜.

去到望見, 真的好斜. 不敢行斜路上, 真的怕會傷膝. 行旁邊的樓梯上, 總共是373級樓梯, 比平時Whisky跑開的明園西街斜多一倍左右啦. 我就用左6分鐘行上頂. 而山頂就有一個飲水機準備拯救你一命!!

在山頂, 我只有一種感覺, 只覺得好像玩水上樂園的最斜的滑梯一樣, 第一段是垂直落的!!!

救命飲水機!!

好像水上樂園的滑梯

吉百利

Time: 23:45, 22 Nov 2007, (NZT)

一個字來形容: 甜
兩個字來形容: 好甜
三個字來形容: 好X甜

在Dunedin沒事做, 就同Family去參觀吉百利廠房. 未入到去在街上已經覺得有種朱古力味, 入到去就更覺得好甜. 我估係裡面工作的人呼吸都會肥 → 因為日日都吸入大量朱古力!!

$18個Tour就有點不值, 全個tour都是看那些朱古力機器同運輸帶, 當然不少得是那些一路行一路派的朱古力Samples啦!! 不過最驚人還是那個Chocolate waterfall (朱古力瀑布). 在好像一個三四層樓高的大塔內, 最高的地方有一個好像倒混型土的倒模, 突然”bomb”的一聲, 熱辣辣的朱古力就好像混型土一樣倒到塔底. 我地企係塔內都只有張大個口嘩嘩聲.

不知這個情況是表演定有什麼用途, 只見欄杆同地上都沾有好多朱古力. 我只想, 究竟這裡有沒有蟑螂??

忍得住手至出奇

NZ$2.99一排, 唔多食朱古力的我都貫了3排

我的戰利品

石頭記

Time: 23:20, 22 Nov 2007, (NZT)

開車就有度好, 可以去到一些不在城市內的地方, 而巴士又不會去的景點.
在Oamaru附近, 有兩組好得別的石頭: Elephant Rocks & Moeraki Boulders
它們是Limestones, 在遠古時代形成, 經過幾千憶萬年的風吹雨打而變成現在的模樣.

Elephant Rocks

無啦啦就只有這個地方有咁大舊石頭, 四周都不是這樣的.
用一些想像力, 覺得這些石頭像什麼?

Elephant

Skull

似不似石頭魚?

曾經讀過Geography說這種石頭 erosion 形態的名稱, 不記得了, 有冇人可以提下我?

我覺得似隻Bear

Moeraki Boulders

無啦啦就只有這個海邊有呢種圓dum dur的大石.
我同Family討論過了, 一定是外星人降落地球的太空船. 有的星球人已經走了出來, 不過仲有些未爆出來. 一定會好像前排有部戲說外星人侵略地球一樣, 宅們會趁我們不在意時走出來!! 一定是這樣的!!!

像是切開的西瓜, 星球人跑了出來!!

嘩嘩聲的Mt. Cook

Time: 23:05, 22 Nov 2007, (NZT)

Mt. Cook, 高3,755m, 是大洋州最高的山.
經Family介紹,說有一條行山徑可以行到去 Hooker Lake, 可以以最近距離望見Mt. Cook.
經過兩條吊橋, 碎石路, 懸涯邊, 行左個多小時就到了Hooker Lake. 中間還有一個未溶的冰塊 (再上小小就是Hooker冰川). 好在我有帶鴨鴨去游水呢?!

吊橋, 是真的會搖的

嘩嘩聲的Lake Tekapo

Time: 22:45, 22 Nov 2007, (NZT)

Lake Tekapo, 離Christchurch三個多小時的車程, 人口315人.
對, 不用一座愉景新城的住戶已經多過佢成個”村”的人了.
但就有好多間BBH, Motel之類, 因為這裡風景真是靚, 而且是一個觀星的好地方. University of Canterbury就在這裡的Mt. John成立了一個觀星站做天文研究.

我有一個model, 比我影左D好像幾靚的相.






Mt. John可以開車上去 (十多分鐘車程), 不過亦有一條風景好靚的行山徑行上山. 我就同Family 行左3個多小時上到頂.