Roxburgh的聖誕嘉年華會

其實地方細細都有好處, 鄰舍關系十分好, 撞見都是認識的人, 親切感也多D!!

這裡上星期搞了聖誕嘉年華會, 我想差不多全村人都出來了, 你可以看有多少人在這村, 還有好多是好像我一樣來這裡打工的人呵!!



“手動遊戲” 好像是機動遊戲, 玩的人就坐在裡面360度不停轉, 但其實是有個人在外面用手去轉動. 如果這班細路來到香港玩冬日嘉年華, 一定嚇死這班大鄉里出城!!!

還有吹氣遊戲

我喜歡這個聖誕樹

和我們一樣來工作的外勞, 不過他們是長工


我真的很好, 不用擔心

十分平安的平安夜和聖誕節

最近每餐晚飯的話題就是每個地方的聖誕節是怎樣.

他們的鬼地方就是一個家庭日, 什麼商店都關門, 個個就在家慶祝. 而香港?! 我就形容為只是一個商人搵錢的好機會. 不是一個什麼的家庭人, 只是個個找個借口去消費. 一式一樣的昂貴聖誕大餐Menu, 各式各樣的禮物吸引你去購買; 年青人就通消去玩, 什麼消費場所都加價同收付加費, 還不是一個商人搵錢的黃金機會?? 最大分別就是他們什麼都關門, 而我們就什麼都開通消.

曾經香港的農曆新年都好像他們的聖誕一樣是一個純家庭聚會的日子, 什麼都關門. 可惜在香港這個不放過任何一個搵錢機會的地方, 好快農曆新年也變成另外一個聖誕節了…

而我在這個鬼地方的聖誕節就會好平安地過… 因為所有鬼回家的就回家, 一雙一對的就走去玩, 就剩下我一個人看屋. 為何不去玩? 有什麼好玩? 作為一個百分百香港人, 當然不會放過這個搵錢的地機會. 雖然果園休息三天, 我就繼續我的破壞之王的工作!! 我還有一行樹要做, 可以足足消磨兩天的時間!!

那麼我的聖誕節會點? 買隻雞回來烤雞食, 做個豐富的堅誕大餐啦!!!

工作伙伴

這裡一共有二十人在工作, 可以說是聯合國, 但其實是歐洲勢力橫行!! 亦可以說這裡是一個鬼地方!! 他們有一個特徵, 多數都是一雙一對來工作. 現在就有一對愛爾蘭情侶, 一對來自德國, 兩對來自捷克, 一對本地KIWI, 另外還有兩個紐西蘭女仔, 加埋我就住在這間8間房的平房. 而另外一面還有一間宿舍, 那裡就住了一對馬來西亞情侶和一個馬拉仔, 再加4個不知名的太平洋島國的外勞. 那麼多鬼, 仲不是鬼地方?!

來自德國的Ben & Caroline – 他們工作了兩個月, 儲夠錢去澳洲玩多一個月就回家, 真好!!

我們生活的平房.

老闆 – Dave

老闆叫Dave, 姓咩就不知了. 三十多四十歲左右, 成日帶著佢的黑色拉布拉多狗仔來開工 – 真寫意.
佢是什麼樣? 我仲未可以偷影到佢. 不過佢好似24的男主角包志傑(Jack Bauer ). 你可以想像一下年輕版的Jack Bauer, 那就是我老闆的樣子.

Supervisor叫Leanne – 大山婆一個. 問佢什麼都不知, 只會挑剔你的工作. 永遠佢開的價錢都是偏低, 一定要同Dave投訴才可以有個合理的工資.


管理學

一個人懂不懂管理就真的可以看得出. Dave一定比Leanne好得多.
Dave知道我們都是為求財, 佢都想我們賺到錢, 而佢D果樹又生得好, 簡直是Win-Win雙贏.
Dave 會教你一些秘技可以做快D, 又會坦白地說不用搣樹葉搣得咁好… 而Leanne 呢?! 我有一次無意中試探了佢 – Dave教了我一個好快搣蘋果的手勢, 一手可以搣走一堆蘋果. 我之後問Leanne: “好像做得好慢, 唔知有無方法可以做快D呢?” 佢答: “你做到最尾那棵樹你就會知道了”

嘩~~~ 我xyz$%#%$&!£$%@&#, 你咁既說話都講得出口, 我已經心裡有數你是一個什麼的人…

破壞王

做左三個星期蘋果修身堂之後, 而家就變身成為”破壞之王”
點做破壞? 就是將nectarine樹上的樹葉搣走. 沒有一定準則, 只是將樹葉”偷薄”, 等多些陽光可以照射到D生果, 咁佢地既顏色就會靚D.
老闆都說不用做得咁好, 沒有滅多少樹葉既準則, 佢亦不會比太多錢做這個工序. 佢只會出兩至三蚊一棵樹, 所以叫我地交兩三蚊工課比佢就可以了.
例如一棵樹是兩蚊人工, 那麼一個小時就要做多過6棵才有賺 (即$12/hr, 比最低工資高). 即是每10分鐘就要完成一棵樹… 那麼就要boom boom聲搣, 一夠鐘就要走去第二棵樹.
而我, 就一路聽著歌來計時: 當一首歌是5分鐘, 即一首歌時間就要完成半棵樹. 就是這樣boom boom聲做, 就打破了我一小時的工資紀錄 – 一個鐘賺了NZ$18!! 如果天天都是這樣就真是不錯.
總之你比兩蚊一棵樹我, 我就交這些工課比你; 又總之成地都是樹葉, 個樹頂有D透光, 我總不相信個supervisor會日日爬梯上去樹頂睇我有冇搣到D樹葉!!! 呵呵呵!!

開工策略 – 之二

一直開工9個鐘真的唔係路…
最初覺得不想浪費時間 (工地同宿舍有10分鐘路程), 那麼就在工地樹下食麵包三文治做午餐, 休息30分鐘就再來過!!
不過天氣熱, 個人體力加上意志力的下降令到最後兩,三小時真的好難挨.
而家就不理了, 開車返工, 中午就開車回家食午餐. 公仔麵也好, 多士午餐肉也好, 食完就小睡片刻, 避一避個太陽.
那麼工作就分上下半場, 時間就會好像過得快D, 對自己都好像好D!!!

開工策略 – 之一

工作慢慢適應下來了, 只不過最大的敵人是”太陽”
這裡的太陽不知是用什麼做的, 當頭晒著真的可以晒死人.
爬在梯上工作真的會好像”天氣先生”咁 – 晒溶!!
唯有早些開工, 六點幾就開工了, 同時間競賽, 在太陽伯伯未出來時趕快完成爬梯樹頂的工序, 太陽一在頭頂時, 就真的不想再爬梯, 真的怕暈低由7呎梯頂跌死!!
雖然在樹下的工作都未必可以有陰頂, 但總是腳踏實地, 點都安全些 :p
這就是我開工的策略

兩星期, 一個月, 三個月

有人說過, 來到這裡 – 兩星期, 一個月和三個月是最想家的日子. 過了三個月, 適應了就沒有問題了.
而我, 現在差不多兩個月了, Home Sick不停發作, 還是覺得香港好.
曾覺得銅鑼灣多人得令人討厭, 但當你見到星期六下午5時這裡已是一個死城, 自己一個人在街上真的怕得要死時, 就覺得銅鑼灣有點可愛;
當每餐都是西蘭花和椰菜時, 你就覺得好喜歡香港的街市;
當這裡只有四個電視台, 沒有SKY TV時, 你又覺得比錢睇 NOW 同 Cable 好值得, 起碼有娛樂台同英超聯;
當這裡NZ$8上一個小時網, NZ$0.89一分鐘電話費, $0.5一次提款手續費時, 你就覺得香港的消費者真的好幸福, 這個豆丁的地方就有那麼多的競爭, 令價格那麼便宜…
除了地方細, 樓價貴, 還是香港真的好.

仲咩諗野?

每日都是同一動作 – 搣蘋果
一路聽住歌, 一路開工搣蘋果. 而個腦呢? 就不停地思考人生問題, 悟出人生的意義, 人生的大道理. 哈哈哈!!
由早上開始諗… 諗… 諗…
為何這樣, 為何那樣…
覺得要這樣, 覺要那樣…
總覺得收工後要寫下來, 放上BLOG, 等大家都諗下…
一路諗, 一路諗… 到放工時就什麼都不記得了, 只知好想訓覺…
每日如是.
哈哈哈!!!

從未如此勤力過…

如果你覺得我一向工作是勤力的, 我而家是十倍以上的勤力;
如果你覺得我一向都不是勤力工作的話, 我而家是超級十分非常勤力.
而家工作仍是和蘋果樹瘦身, 工資是以完成每一棵樹來計算: 即你完成多少就有多少收入.
我計算過, 我要在四個月內儲NZ$6,000, 我就要每星期除稅後要賺$540, 即每天要$100以上!!
如果每星期工作六天, 一天八小時, 每小時工資要有$14或以上我才可達到目標.
如果一棵樹的工資是$5, 那麼一小時要最少3棵才夠數, 還要8小時不停工作, 不能停下來!!
從前在辨工室總會有時停下來, 沖杯茶, 傾下計, 打下email, 上下網…
而家? 去toilet? 就地在樹下就淋花啦! 沖茶? 水樽飲兩啖水就好再來了!! 傾計? 四野無人, 除了成日同蘋果講野啦…
以防有時無工開, 所以每日狂做最少9個鐘…
真的從未如此勤力過!!

日晒雨淋

戶外工作就少不免日晒雨淋.

我就不怕雨, 只怕晒. 當頭太陽晒就是我的死穴.

這裡晴天萬里無雲的日子真的可以35度以上!! 就算是背著大陽去工作都有點像比火燒的感覺. 一日工作要飲3公升水, 你就已經可想而知了… 每分鐘都想”搵訂里”. 而上午11時到下午4時是晒到想死的時間, 企係長梯上做樹頂的工作真的怕會暈低跌死.

今個星期好好彩, 下足一個星期雨. 老闆說可選擇停工或開工. 手停口停, 加上沒有太陽的日子, 我當然是第一個”boom boom”聲走去開工 – 真的落雨也不怕, 落雪也不怕!!

可惜歡樂的時光過得特別快, 太陽伯伯又出來了!! 日日這樣地晒著工作真的是鍛練意志的好機會 – 每天內心就是魔鬼和天使地對抗戰 –

魔鬼每10分鐘就說一次: 休息下啦, 飲下水啦, 會晒死人家, 里係樹底一陣間啦, 聽朝太陽未出來先做啦…

天使對抗著說: 做多棵樹先啦, 做埋佢先收工啦, 今日唔夠數呀…

天使和魔鬼勝出的機會率是一半一半.

原來, 坐係office嘆泠氣是那麼好的…

工作 – 修身堂

由開始的第三天, 就開始同蘋果樹”瘦身” – Apple Thinning – 即把多餘的蘋果拿掉.

我估如果一分鐘”搣”走20個蘋果, 一個小時就搣了1,200個; 一天工作八小時, 一日就有9,600個蘋果死在我手上~~~ 而家的蘋果不是好大個, 細的好像是橡皮糖咁大粒, 大的就好像golf咁大個. 我最多可以一手搣4個golf蘋果!!!

工資:
這裡很有系統地把果樹分區. 例如而家的蘋果樹每區就有40行樹, 一行大約有四十幾棵樹. 而我們的工作是以完成一棵樹的”瘦身”去計(件工). 老闆就一人派一行樹去做. 有的樹會大D, 有的會細D; 人工就是以每棵去計: 例如第20行樹有44棵, 每棵樹工是NZ$7.5, 那麼你完成整行樹就有NZ$330人工. 有些樹大些就人工貴D, 細樹就人工平D. 那麼人工多少就在乎你工作進度的快慢.

紐西蘭就有最低工資的保障 – NZ$11.25/hr. 如果以$11.25一小時去計, 一行44棵$7.5的樹就應該要在29小時內完成 (=44x7.5/11.25), 否則你就連最低工資也不保!!

以我來說而家差不多可以賺$14-15/hr, 都不錯呀?! 不過聽說那些熟手技工可以一小時賺$16-18!!!
當然這個人工比起香港賺的差好遠, 但絕對是一個好好磨練意志的機會. (續…)

工作 – 修身堂

由開始的第三天, 就開始同蘋果樹”瘦身” – Apple Thinning – 即把多餘的蘋果拿掉.

我估如果一分鐘”搣”走20個蘋果, 一個小時就搣了1,200個; 一天工作八小時, 一日就有9,600個蘋果死在我手上~~~ 而家的蘋果不是好大個, 細的好像是橡皮糖咁大粒, 大的就好像golf咁大個. 我最多可以一手搣4個golf蘋果!!!

工資:
這裡很有系統地把果樹分區. 例如而家的蘋果樹每區就有40行樹, 一行大約有四十幾棵樹. 而我們的工作是以完成一棵樹的”瘦身”去計(件工). 老闆就一人派一行樹去做. 有的樹會大D, 有的會細D; 人工就是以每棵去計: 例如第20行樹有44棵, 每棵樹工是NZ$7.5, 那麼你完成整行樹就有NZ$330人工. 有些樹大些就人工貴D, 細樹就人工平D. 那麼人工多少就在乎你工作進度的快慢.

紐西蘭就有最低工資的保障 – NZ$11.25/hr. 如果以$11.25一小時去計, 一行44棵$7.5的樹就應該要在29小時內完成 (=44x7.5/11.25), 否則你就連最低工資也不保!!

以我來說而家差不多可以賺$14-15/hr, 都不錯呀?! 不過聽說那些熟手技工可以一小時賺$16-18!!!
當然這個人工比起香港賺的差好遠, 但絕對是一個好好磨練意志的機會. (續…)

失蹤?!

對, 失了蹤兩個星期, 事關去了鄉下, 什麼都沒有, 只有休息工作再工作.

Roxbourgh是一個小鎮, 我估人口只有幾百, 真的其中一座愉景新城的住戶人口都多過佢.

這裡員工宿舍只有電視同食住設施, 沒有電腦上網甚至電話, 要打電話就要開車去五公里外大街的電話亭, 否則就用你的手提用港幣5元(NZ$0.89)一分鐘去打電話啦,我估都沒有人會那麼豪爽. 如果要買東西/食物的話就要去到Roxbourgh的大街.

Roxbourgh的”大街”真的好大, 有一個街口咁長, 我估仕何的一個MTR站都大過佢. 大街有兩間好像7仔那麼大的超市, 有士多+雪糕店, 油站, 圖書館, 酒吧, café… 意想不到是還有一個泳池!!!
如果要上網的話, 就要開車去到40公里外的Alexandra (差不多半小時車程).

這就是我生活了兩個星期的地方. 好處是什麼都沒有, 一星期只去兩次超市, 想有其他消費都難, 最多都是買杯雪糕食 (NZ$1.5). 儲錢真的最好.

一個月 = 開始工作

Time: 20:00, 3 Dec 2007, (NZT)

來了紐西蘭已經一個月了, 亦是開始工作的時候.

這個地方叫Roxbourgh, 在南島的中部 (Central Otago), 離Queenstown90分鐘左右.

暫時是以時薪計, 一天工作八小時, 由早上七點做到下午三點半, 午飯時間30分鐘.

現在的工作是和果樹做Thinning – 即一支樹支可能有10個生果, 如果它們同時間長大時可能會太迫, 爭食, 太重令到樹支會斷等等 – 而家我們的工作就是把一部分的生果拿掉, 可能一支樹支剩下三至四個果實, 令它們可以好好生長, 生長到合適的大小, 才賣得好價錢.

聽說每天平均做20棵樹左右, 視乎樹的大小, 可能會多D小D… 今日就總是在七呎高的長梯爬上爬落, 不停在想在哪一個方向可以移動支梯最少次數又可以拿到最多果, 又想怎樣的角度才會做得舒服, 而怎樣才可以做得快些…

可能工作仍覺得有新鮮感, 所以不覺得疲倦或辛苦. 都幾好玩啦~~

明早5:45起床

A Zoo without Bars – Ulva Island – 一個沒有老鼠的地方

坐了$110船Stewart Island, 就是要去Ulva Island 尋找奇異鳥 (Kiwi) – 一種好像雞那麼肥又不識飛的鳥.

在1993至1997年, 所有鼠類的動物都被殺掉, 令這個島成為一個沒有老鼠的地方, 又正因如止, 一些雀鳥和植物就可以繁殖下去, Kiwi就是奇中一種.

在去Ulva Island 的water taxi 上認識了法蘭西男孩Alex, 佢又一心一意去找Kiwi. 當然有人一起行, 我地就自自然然一齊去搵雀!

行了十多分鐘, Alex就在一堆矮樹中見到隻雀. 一隻肥du du好似雞的雀鳥!! 嘩, 發達啦!! 咁難搵的Kiwi都比我地見到?! 仲要全島只有30-40隻!!! 望下望下, 仲一家四口添!!!

我放低背包拿相機, 仲有隻走埋我背包度八八掛掛添!!!

誰知這不是Kiwi, 是Weka, 另一種不識飛的雀! 佢地有D似Kiwi, 不過佢個咀沒有Kiwi咁長. 空歡喜一場!

沿路上不斷見到Weka, Kiwi就一隻都見不到.

下午12點來4點回程, 法蘭西Alex死心不息, 定要找到一隻Kiwi!! 佢托我叫船家6點先回來接佢, 佢要等Kiwi兩個鐘!! 我對船家說6點回來, 船家的反應是”唔好傻啦, 一個月可能只有一個人見到Kiwi, 無論早上5點來也好, 夜晚9點來都好, 都未必見到!!”

當然, 法蘭西Alex是失望而回啦~~

Weka

Stewart Island Robin
2000年, 20隻Robin在Ulva Island放生. 我地就好彩見到3隻, 而且佢地追住我地玩, 在我地身邊飛來飛去. 誰知佢地喜歡在人身邊飛來飛去, 是因為我地走過時, 會令一止蚊蟲飛起, 佢地就可以成機搵蟲食!! 可惡! 被利用添!!

有好多不知名的地衣

還有好多不知名的植物

往返Ulva Island的 water taxi, $20 來回, 船程5分鐘左右. 船家一日走3轉, 每轉4-6人. 特定時間(好像法蘭西Alex) 再加$5. 我覺得佢真的好賺, 發死!!

小心老鼠跟著你來!!

法蘭西Alex

The Catlins

其實這幾天到的地方都是在Catlins 地區, 例如Curio Bay, Waipapa Point 等都是屬於這地區. 這裡出名風景悠美, 有森林亦有海岸線.

Matai Falls

Purakaunui Fall

Porpoise Bay

Animal Planet – NZ Fur Seal

在Waipapa Point 見到的 New Zealand Fur Seal
佢頸上真的有毛!!
而且佢真的幾醜樣!



你估佢在做什麼?

追女仔是也!!


Waipapa Point
對開海面在1881年發生紐西蘭最嚴重海難, 導致131死亡, 因而才建立這座燈塔.

搬屋

這裡的人是這樣搬屋 – 是, 真的是搬屋!!





我在Otago Peninsula都見過, 只不過我沒有影相. 是真的這樣, 兩條行車線都要讓路!!

Curio Bay

在Curio Bay留了三天, 這裡的寧靜可以吸引人在這裡留上一個多星期!

如果不是我身上冇晒錢, 要出返省城, 我就真的想留多一兩天!!

事原入了油但又用不到我的EPS找數, 唯有倒晒身上的$70來比錢!! 導至我沒有CASH, 全部身家只剩NZ$2!!

說回Curio Bay, 原來出名在於擁有珠羅紀時期的源海化石林 (Jurassic fossilised forest), 在潮退的時候就可以看到.

另外在Curio Bay隔離的 Porposie Bay就常有海豚在嬉戲, 這就是我去這裡的主要原因!!

去了第一天天氣不好, 天陰又大風, 聽說海豚不會在這種天氣來. 第二天天氣也不好, 等了兩三個鐘亦看不到. 只好說緣慳一面啦. 誰不知在第三天早上有人在滑浪, 就有幾條海豚八八掛掛地走去同人玩, 游來游去!! 原本我也應該是在滑浪的, 只因我我沒有錢了, 又不想簽卡, 唯有不去!! 點知這就錯過了和海豚近距離接觸的機會!!真抵死!!

這BBH的主人真的沒有講大話, 真的在客廳的梳化就可以看到海豚!!

我一定要再來這裡渡假滑浪!!

p.s. 原來間BBH是在Porpoise Bay, 不是在Curio Bay, 不過都只是一個小山丘之間, 10分鐘路程.

BBH對著海的梳化

我床邊的東西

Porpoise Bay

每天對著的朋友

去左邊? (之三)

Time: 14:35, 1 Dec 2007, (NZT)

這五天又去左邊? 入了深山?

對, 就是入了深山, 沒有電子產品的世界, 彷彿是與世隔絕.

從Dunedin 去 Curio Bay, 沒有電視, 商店, 銀行, 電話訊號, 留了三日兩夜等海豚出來.

再經Southern Scenic Route去 Invercargill. 去到Invercargill, 就坐船去左Stewart Island, 去見識一下沒有老鼠的世外桃園, 植物和雀鳥可以自由生長繁殖.

就是這幾天遊車河同遊船河的行程, 就成為三百五十個紐西蘭大洋!!

好貴呵!


p.s. Southern Scenic Route 是一條風景悠美源南面海岸線的車道, 由Tenu Aanu 出發至 Dunedin止. www.southernscenicroute.co.nz

Oamaru Victorian Heritage Celebrations

在Wanaka碰見一個香港朋友, 說Oamaru 有一個Festival, 一年一次, 咁就飛車去左…

這是每年都會舉辦, 男男女女都會打扮一番, 做回一個維多利亞時期的人. 為什麼會有這盛事就不知了, 不個好像睇緊中學時期時英國文學的Little Woman 一樣. 籌委會準備了各樣的服裝給人租借, 你自己做衫也可以. 個個人都好有心機打扮, 人人投入!!






Penny Farthing Races
除了巡遊, 最好睇就是單車比賽. 什麼都可以鬥一番: 100碼短途鬥快, 3個圈長途鬥快; 50碼鬥慢; 雪糕筒障礙賽; 男子組, 女子組…

Curio Bay

陣間就起程離開Dunedin 去 Curio Bay.

在Dunedin 開始好悶了, 日日只是對住部56K速度的電腦上網, 作為一個香港人, 點有閒情都會發慌.

Curio Bay 是 Dunedin 和 Invercargill 中間的一處海灣. 其實最初Book呢間BBH時都只是求其搵. 這間BBH就評分高, 有92分, 而且在自我介紹時說係佢間BBH望出去就是海, 而且周不時會睇到海豚!!

我就特登去睇下佢係咩東東咁勁. 其實我仲未知佢大約位置在哪裡…

誰知在睇Lonely Planet時發現有一段 (都幾大段的!!) 作者推介這間BBH, 說真是可以睇到海豚, 而且這個地方可以令你留上一個星期!!!

嘩, 講到咁勁, 我都想快D去!!!

ps: BBH評分制度: 超過5,600 個旅客在2007年參加BBH評分. 越高分即越多人讚賞. 從評分去決定住那一間hostel會比較有保障, 我多數會住有70分以上的BBH. www.bbh.co.nz

Dunedin Train Station & Farmers’ Market

Dunedin Train Station

最吸引我是那個火車玻璃窗!!

逢星期六早上在火車站都有Farmers Market. 所有人都可以開車來擺檔, 有的賣菜, 有的賣生果, 有香腸, 肉, 麵包, 批, 芝士, 果醬… …

Shopping 學英文
秀珍菇 = Oyster Mushrooms
仲可以自己種呢?!

危險, 勿近

開車去Otago Peninsula 的 Sandfly Beach睇海獅 (Sea Lions).

明知有告示仲有警告叫人唔好野怒D海獅, 雖然你見佢成條香腸”pat”係個沙灘上, 佢爬行的速度真的好Q快.

話說有個鬼仔走近影相, 同行的鬼妹又bi lee ba la, 終於隻海獅一聲咆哮就衝過來!! 個鬼仔就大叫”Oh Shit! Oh Shit!” 大家一齊好似玩”瀑喱喱”咁一周四散!! 哈哈!!!

告示: These animals are not afraid of humans... so be wary!!
不是呃人的!!

成條香腸似的"pat"在沙灘上

真的跑得好快!

Oh shit~~

洗車

忍無可忍, 終於扲起心肝去洗車.
香港人會好好保養自己車, 會常常清洗.
不過在這裡, 車不單只舊, 仲好污糟.
都只因為日開夜開, 沙”陳”滾滾, 不洗也吧.
其實我都是入鄉隨族, 開一架污糟車, 作為天然保安裝置~~

除了舊同污糟, 呢度D車仲有樣野多, 是多蜘蛛網. 總是在好多車的左右倒後鏡找到蜘蛛網, 可想而知紐西蘭的蜘蛛有幾鍾意旅行, 尢其是穿梭南北島!!

我總覺得有隻蜘蛛住在我的倒後鏡內, 因為我每天把蜘蛛網除去, 第二天蜘蛛網總是還原.

今天仲不特只, 仲有好多黑蟻在車上: 車尾, 車頂, 檔風玻璃都是蟻, 趕也趕不掉. 唯有洗車屋可以幫我搞掂佢!!

希望佢地只是路過啦, 千萬唔好係我車上起屋!!!

去洗車屋, NZ$10一次, 感覺新奇好玩~~

終於似番架車了!!