破壞王

做左三個星期蘋果修身堂之後, 而家就變身成為”破壞之王”
點做破壞? 就是將nectarine樹上的樹葉搣走. 沒有一定準則, 只是將樹葉”偷薄”, 等多些陽光可以照射到D生果, 咁佢地既顏色就會靚D.
老闆都說不用做得咁好, 沒有滅多少樹葉既準則, 佢亦不會比太多錢做這個工序. 佢只會出兩至三蚊一棵樹, 所以叫我地交兩三蚊工課比佢就可以了.
例如一棵樹是兩蚊人工, 那麼一個小時就要做多過6棵才有賺 (即$12/hr, 比最低工資高). 即是每10分鐘就要完成一棵樹… 那麼就要boom boom聲搣, 一夠鐘就要走去第二棵樹.
而我, 就一路聽著歌來計時: 當一首歌是5分鐘, 即一首歌時間就要完成半棵樹. 就是這樣boom boom聲做, 就打破了我一小時的工資紀錄 – 一個鐘賺了NZ$18!! 如果天天都是這樣就真是不錯.
總之你比兩蚊一棵樹我, 我就交這些工課比你; 又總之成地都是樹葉, 個樹頂有D透光, 我總不相信個supervisor會日日爬梯上去樹頂睇我有冇搣到D樹葉!!! 呵呵呵!!