去到紐西蘭的hostels, 沒有電飯煲, 就怎樣煮飯食好呢?
有朋友介紹用煲煮, 不過我就試下蒸飯, 用煲煮會有飯焦嘛, 而且蒸飯可以連餸一齊蒸, 好像好味d!!
經過兩次實驗, 以下做法應該可以煮到可以入口的白飯一碗.
材料: 半mug米; 半mug熱水 (1:1)
煮出來是約一碗飯左右
半mug米
半mug熱水
用水浸米3-5分鐘左右, 再隔水蒸12分鐘.
當蒸到7-8分鐘時, 飯應該是半生熟, 咬落好像是食瓜子咁, 少少硬
搞一搞d飯, 等面頭的飯不會太乾, 下面的不會太濕.
蒸到12分鐘時熄火, 再焗3鐘左右, 飯應該是乾身, 就可以食得!
左邊是第一次實驗品, 多左dd水, 飯較濕. 不過放耐左一陣, 約10分鐘左右, d飯吸收了d水, 就會較好食. 右邊是第二次的改良版, 半mug米, 半mug水, 軟硬剛好, 可以即食.
實驗都算是成功. 下次就試下連餸一齊蒸, 呵呵呵!!
