香港朋友

認識了一個香港女仔, 說想試下戶外工作, 那麼我就叫佢來我的果園, 一來佢又有工作, 而我又有個伴.

但原來人夾人真的好難, 尤其是我好怕那些婆婆媽媽的人. 認識我的人都知我怕煩, 說了一就一, 說二就二, 無咩所謂就是旦啦, 去咪去個種, 至怕麻麻煩煩,婆婆媽媽.

又或者我習慣了獨處, 覺得一個人沒有什麼問題. 就例如我提議去什麼地方, 你想去就去, 不想去就我自己去, 我沒有所謂, 不要好像我求你同我去一樣.

那天一早被迫收工, 11點多就在家沒事做. 我說不如去游水 (附近有個池塘, 本地人常去野餐同游水), 問了一次, 佢說”唔好啦, 咁曬!”; 食完午餐, 我再說屈係度沒事做不是一個辦法, 不如出去游水行下啦?! 佢又說怕曬… 我無理由因為你唔去我就唔去啦, 那麼自己就換衫, 再禮貌地通知佢一聲說我自己去了. 跟著我上了車, 在開車時佢先跑出來叫我等埋佢, 佢又去!!! 我真的xyz&*@$^xyz (下刪一萬字)….

而且生活上大家的習慣不同: 我而家就慣了早睡早起 – 第二日又要5點幾6點起身, 又是體力勞動的工作, 當然要早睡早起啦, 如果不是從梯頂趺落黎點算?! 而佢仍是保持香港人的生活習慣 – 夜訓. 而食方面而家都是夾份, 可以煮多幾樣來食. 那麼食方面的支出又多了…

其實都幾懷念那時同Family一起的時候, 或許大家的性格同背景都差不多, 又不怕自己一個人獨處. 同路又有興趣的時候就一起玩, 不同的就自己一個也沒所謂.

而這香港女仔一開始就是要找人相伴的類型. 每當與朋友要分開時就找另一個相伴. 或者真的是每個人性格不同啦, 而且真的相見好, 同住難…

佢而家好想轉工返去做Packhouse (佢來了半年多都未試過做戶外工作, 覺得而家十分辛苦), 見我不想轉工似的, 佢又沒有人相伴, 佢又好像有點不快, 又不知點算, 什麼都好像要跟著我, 看我頭似的..

哈哈!! 會點樣? 唔知呀!!