從未如此沮喪過

新年新希望, 所有人都希望有個新開始. 而我, 就是一個沮喪的開始!!

別人說摘車厘子是一個賺大錢的工作, 好多香港人都渴望來摘車厘子. 誰知我們第一天摘車厘子就是沮喪的一天!!

這品種好容易受天雨影響而爛, 一支樹枝可能有一半是爛了. 而我們果園的車厘子是出口的, 所以品質又要保持得好好, 所以老闆對我的工作要求好高 – 即那一粒車厘子要不花不爛, 沒有”下痴”才可以收貨!! 那麼來說, 即你摘10粒都未必有3粒可用! 而且摘得超慢, 要摘每一粒又要360度轉來睇一睇, 個頂花了小小唔得又要掉; 個屎忽個”loan”大D又唔得… 嘩~~~~~~ 摘了15分鐘個桶仲係見底!! 摘了一個鐘都冇一桶!!!

而家的工資是以每公斤去計 – NZ$1/kg, 一個桶是5kg, 即摘一桶先得5蚊雞!!!!

救命呀!!! 做了一個早上都只有3桶半~~ 心情越來越低落, 人就越做越沮喪… 平時一日搵開$140, 而家一日剩番幾十… 越想心情就越差…

其實老闆Dave都已經好好人了, 佢續個續個人走去安慰, 說加價到$1.5/KG, 又說佢見到D車厘子咁爛都好沮喪, 不過下一個品種 (Stella) 熟了就會好好多, “相信我啦!”, 到時就可以摘得易D同快D… 哎也, 信唔信你好呀… 就算全部都摘得咁睇自己能力又真的可否一日摘廿幾桶?! 摘車厘子又唔可以好像搣樹葉同蘋果咁可以好快咁搣, 又怕佢搣爛…

心裡開始盤算著下一步: 是否應該轉工去做Packhouse呢? Packhouse 計時薪總好比現在好; 但情況又是否真的那麼差? 如果是那麼差一早就沒有人來摘啦?! 人人都說可以賺大錢, 無理由情況是這樣的… 而且又不是我一個人是這樣, 問了好多人, 個個都說好難摘, 賺不到錢…

第二天就去了問Packhouse的工作. 工作是有, 不過附近的所有住宿已經滿了, 有工做都沒有地方住… 鬼咩?! 而家是收成季節, 入全世界人都走來這地區摘車厘子…

唯有繼續挨下騾仔, 信下Dave多一次啦 --不過佢都未曾呃過我的, 佢話可以做得好快的就真的好快, 要慢慢做的又真的要做得慢… 看看下星期情況會否好些啦…

真正感受到什麼是手停口停了…

>_<

(後記: 問了在其他果園工作的朋友, 原來所有果園都是這樣的情況, 賺大錢是騙人的!!!)